Është ndarë nga jeta, doktor Shahin Kadre, vëllai i shkrimtarit të madh, Ismail Kadare.
Shahin Kadare është shuar orët e para të mëngjesit sot (17 nëntor) pas një beteje më pak se një vjeçare me një sëmundje të rëndë.
E bija e doktorit, Jorina Kadare ka njoftuar nëpërmjet Facebook se ceremonia e varrimit do të bëhet ditën e enjte, data 18 nëntor, ora 12:00.
Shahin Kadre është një nga të parët doktorë të Shkencave në fushën e mjekësisë, me një kontribut të jashtëzakonshëm në studimet onkologjike, si referues në dhjetëra konferenca dhe kongrese ndërkombëtare shkencore. Ai ka botuar studimet e tij shkencore në revistat më të njohura të mjekësisë në botë.
Shahin Kadare fillimisht u diplomua në vite ’60 në Tiranë dhe më pas kreu një specializim në Rumani. Ai është themelues i Laboratorit të Morfologjisë Patologjike dhe ka luajtur një rol kyç në zhvillimin e kësaj dege të mjekësisë në Shqipëri, përmes diagnostifikimit mikroskopik të tumoreve.
