Territori shqiptar do të vazhdojë të paraqitet nën dominimin e masave të ftohta siberiane, duke mbizotëruar moti i kthjellët por shumë i ftohtë, përjashtuar zonat malore përgjate shtrirjes lindore, të cilat do të kenë herë pas here vranësira të shpeshta.
Sipas MeteoAlb, pasditja dhe mbrëmja largon vranësirat nga zonat malore, duke bërë që moti i kthjellët të jetë prezent.
Era e ftohtë verilindore do të bëjë që i ftohti të ndjehet më shumë.
Temperaturat e ajrit do të ulen serish në mëngjes dhe mesditë duke luhatur vlerat ditore nga -7°C deri në 11°C.
Era do të fryjë mesatarisht me shpejtësi 45 km/h nga drejtimi verilindor duke krijuar në brigjet e detare dallgëzim mbi 3 ballë.