28 mijë nxënës të rrethit Shkoder nisën vitin e ri shkollor 2016 – 2017 këtë 13 shtator. Dita e parë nisi me ceremonitë festive që u organizuan në çdo shkollë, ku nuk munguan përfaqësuesit e pushtetit vendor dhe drejtorisë arsimore. Kryebashkiakja Voltana Ademi zgjodhi që urimin e kësaj dite ta bëjë nga shkolla e mesme “Jordan Misja”, aty ku ka studiuar vetë vite më parë.
Ademi e pyetur nga tv1 channel, foli edhe për vështirësitë që has pushteti vendor për ndërhyrjet në shkolla me qëllim përmirësimin e infrastrukturës. Shkak është buxheti, i cili edhe pse këtë vit ka njohur rritje, ai sërish është i pamjaftueshëm.
Bashkia Shkoder numëron mbi 100 shkolla e kopshte, të cilat në bazë të një raporti të hartuar nga specialistët e zyrës arsimore, në pjesën më të madhe kanë nevoja për ndërhyrje, veçanërisht ato në njësitë administrative.
