Kompensimi i gjedhëve të ngordhura nga sëmundja e dermatozës nudelare nuk ka nisur ende për qarkun e Shkodres. Në pritje janë 170 fermerë, të cilët në bazë të verifikimeve nga drejtoria e bujqësisë do të jenë përfitues të këtij proçesi që pritet të nisë brenda pak javësh. Kryeveterineri Selim Kraja tregon edhe skemën se si do të bëhet ndarja.
Për të mos u gjendur në kontestimet që kanë patur fermerët e Kukësit mbi racat e lopëve, Kraja thotë se porosia është bërë bazuar mbi specifikat që kanë zonat, ato malore dhe fushore.
Por ndërsa fermerët presin kompensim, rreziku i sëmundjes nuk është larguar dhe për këtë qëllim në maj pritet të nisë faza e dytë e vaksinimit.
Në Shkoder zonat më të goditura nga sëmundja e gjedhit, apo e njohur ndryshe dermatoza nudelare ishin Puka, Dukagjini dhe Vau Dejësi.
