Duke filluar nga mbrëmja e sotme dhe deri në orër e para të mëngjesit të së martës në vend do të mbizotërojë një mot me shira.
Sipas Meteoalb gjatë ditës së sotme vijon dominimi i kthjellimeve me vranësira të lehta deri pas mesditës kur pritet që një sistem vranësirash të vendoset mbi territor duke gjeneruar rrebeshe shiu fillimisht në perëndim dhe gradualisht në gjithë vendin. Nga mbrëmja deri në mesnatë ka shkëputje të përkohshme të shirave por sërisht pas mesnatës dhe orët e para të së martës, sjellin shtim të shirave në zonat veriore dhe perëndimore.
Temperatura më e ulët në rang territory, sot ka shënuar 12°C ndërsa pritet që maksimumi të ngjitet në 33 – 34°C në disa qytete të ultësirës perëndimore.
