- Pas paralajmërimit të ministrit të Infrastrukturës dhe Energjisë, Damian Gjiknuri se do nisë një operacion për pastrimin e objekteve të paligjshme nga nyjet dhe akset rrugore kombëtare, edhe ajo e Shëndetësisë shkon në një linjë.
“Ne jemi të palëkundur në vendosmërinë për të pastruar një herë e mirë spitalet dhe qendrat shëndetësore nga aktivitetet dhe ndërtimet që jo vetëm s’kanë kurrfarë lidhje me to, por pengojnë veprimtarinë e tyre duke u kthyer në një faktor që dëmton ndjeshëm cilësinë e shërbimit që ne duam të ofrojmë”,- është shprehur ajo.
Manastrliu u shpreh se ky aksion pritet të shtrihet në gjithë Shqipërinë dhe do mbështetet nga të gjithë institucionet shtetërore.
“Pushtimi 25 vjeçar i spitaleve dhe qendrave shëndetësore nga aktivitete që s’kanë lidhje me spitalet do marrë fund një herë e mirë”, shtoi ajo.
(m.a/BalkanWeb)
