Thursday, June 13, 2024
HomeAktualitetDetaje të reja/ Zyrtares së DAR në Shkodër i shpërtheu makina në...

Detaje të reja/ Zyrtares së DAR në Shkodër i shpërtheu makina në mes të qytetit, ku dyshon policia

-

Burime për “BalkanWeb” konfirmojnë se makina tip “Wolkswagen” është në pronësi të inspektores së Drejtorisë Arsimore Rajonale Shkodër.

 Sipas të dhënave të para, makina me targë AA700IY i përket inspektores së Drejtorisë Arsimore Rajonale në Shkodër, Frida Kopliku dhe nga hetimet e para dyshohet se asaj i është vendosur lëndë eksplozive, tritol.

Shpërthimi ka qenë i fuqishëm, por për fat nuk ka pasoja në njerëz, por vetëm dëme materiale. Policia ka shkuar në vendin e ngjarjes dhe ka nisur hetimet paraprake.

Njoftimi i policisë:
Më datë 11.10.2017, rreth orës 00:50, ka ardhur një telefonatë në Sallën Operative se në lagjen “Vojo Kushi” Shkodër, në rrugë është dëgjuar një shpërthim i lehtë.

Menjëhere në vendngjarje kanë shkuar shërbimet e policisë dhe shërbimi zjarrfikës ku kanë konstatur se:

Si pasojë e shpërthimit kishte marrë flakë mjeti tip Volkswagen në pronësi të shtetases F. K. 60 vjeçe, banuese në lagjen “Vojo Kushi”, me detyrë Inspektore në Drejtorinë Arsimore Rajonale Shkodër.

Ndërhyrja në kohë e shërbimit zjarrfikës bëri të mundur fikjen e zjarrit.

Nga veprimet e para të kryera në vendngjarje dyshohet se ka patur një shpërthim të lehtë poshtë mjetit i cili ka qënë i parkuar dhe për pasojë mjeti ka marrë flakë.

Automjeti është dëmtuar lehtë në pjesën e prapme, dhe nuk ka patur dëme në njerëz.

Po kryhen veprimet me grup hetimor, për sqarimin e plotë të rrethanave të ngjarjes.

Related articles

Stay Connected

0FansLike
0FollowersFollow
3,912FollowersFollow
3,572SubscribersSubscribe
spot_img

Latest posts