Tuesday, August 16, 2022
HomePolitikëMeta takim me zv/ministrin e Kulturës së Maqedonisë së Veriut: Thellimi i...

Meta takim me zv/ministrin e Kulturës së Maqedonisë së Veriut: Thellimi i marrëdhënieve të mira fqinjësore, për një të ardhme të shkëlqyer

-

Presidenti Ilir Meta ka pritur sot në një takim zyrtar zëvendës ministrin e Kulturës të Maqedonisë së Veriut, Daim Luçi.

Përmes një mesazhi shpërndarë në Facebook, Meta shprehet se gjatë bisedës fokusi u vendos edhe tek largimi i të rinjve nga vendi dhe mundësia për të gjetur hapësira për të ndërtuar të ardhme të sigurtë europiane në vendin e tyre.

Kreu i shtetit shton se për thellimin e gjithanshëm të marrëdhënieve shumë të mira fqinjësore mes vendeve tona, ekziston një potencial i madh, për një të ardhme më të shkëlqyer.

Postimi i plotë:

Prita sot në një takim vëllazëror Zv/Ministrin e Kulturës të Maqedonisë së Veriut, z.Daim Luçi. Ndamë të njëjtin qëndrim se duhet të bëjmë çdo përpjekje për të mos lejuar shpopullimin e dhembshëm të trevave shqiptare nga të rinjtë, që meritojnë të gjitha mundësitë dhe hapësirat për të ndërtuar të ardhmen e sigurt europiane në vendet e tyre.

Në këtë kuadër i vlerësova si jetike nismat për forcimin e identitetit kulturor dhe kombëtar të shqiptarëve, si dhe për rritjen e mëtejshme të bashkëpunimit midis dy vendeve tona në të gjitha fushat.
Shqiptarët në Maqedoninë e Veriut në dekadat e fundit kanë qenë të përkushtuar për stabilitetin dhe garantë të integrimit euroatlantik të saj, ndaj respektimi i të gjitha lirive dhe të drejtave të tyre, sipas standardeve më të avancuara europiane është thelbësor.
Për thellimin e gjithanshëm të marrëdhënieve shumë të mira fqinjësore mes vendeve tona, ekziston një potencial i madh, për një të ardhme më të shkëlqyer.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,436FollowersFollow
3,572SubscribersSubscribe
spot_img

Latest posts