Ministri i Mbrojtjes së Kosovës, Armend Mehaj u takua me zv.ministren e Brendshme të Shqipërisë, Romina Kuko ku temë diskutimi ishte angazhimi i përbashkët për sigurinë dhe mbrojtjen jo vetëm të dy vendeve por të gjithë rajonit.
Në një status në faqen e tij në Facebook, Mehaj shkruan se “Sot pata kënaqësinë të pres në vizitë Zv.Ministren e Brendshme, znj. Romina Kuko të shoqëruar nga Drejtori i Qendrës Kundër Ekstremizimit të Dhunshëm, Denion Meidani dhe Shefi i Divizionit për Siguri, Ermal Jauri”.
Sipas tij me zv.Ministren Kuko, “diskutuam për procesin e realizimit të planeve të bashkëpunimit bilateral mes dy shteteve tona në fushën e sigurisë dhe mbrojtjes në mjedisin aktual të sigurisë dhe sfidave transnacionale”.
