Në 1 vjetorin e luftës, Bashkimi Europian ka dëbuar deri më 400 spiunë rusë. “Rusia nuk po heq dorë nga përpjekjet e saj për të spiunuar fqinjët e saj evropianë”, tha Komisionerja Evropiane për Punët e Brendshme, Ylva Johansson.
“Ne do të vazhdojmë të mirëpresim disidentët, gazetarët e pavarur dhe refugjatët që largohen nga regjimi i Putinit, por do të rrisim vigjilencën tonë në kufij. Ata dolën nga dera e përparme, por ne nuk duhet t’i lëmë të hyjnë nga dera e pasme”.
Johansson u kërkoi anëtarëve të miratojnë sa me shpejt rregullat e reja të migracionit në mbarë BE-në dhe për të ndihmuar ukrainasit që dëshironin të ktheheshin në shtëpi.
Më shumë se 8 milionë njerëz janë larguar nga Ukraina që nga fillimi i luftës, sipas Agjencisë së Kombeve të Bashkuara për refugjatët, dhe gati 5 milionë janë regjistruar për mbrojtje të përkohshme të BE-së ose skema të ngjashme të mbrojtjes kombëtare në Evropë.
