Sekuestrohen 8m/stere lende drusore ne Drisht

Një automjet tip “IFA” në të cilin po transportoheshin 8 meter/sterë lëndë drusore të prera ilegalisht në zonën e Dukagjinit, u ndalua nga inspektoriati pyjor në bashkëpunim me policinë e shtetit. Ai u kap në fshatin Drisht të Postribës ndërsa po i drejtohej qytetit të Shkodres, ku më pas do të bëhej shitja e lendes drusore. Ky është rasti i 7-të që goditet nga ky inspektoriat në më pak se 6 muaj në qarkun e Shkodres, duke treguar se persona të caktuar tentojnë të sfidojnë moratoriumin 10 vjeçar të hyrë tashmë në fuqi që ndalon prerjen e pyjeve. Drejtori i inspektoriatit shteteror te pyjeve Mark Ndou vlerëson tejet pozitiv bashkëpunimin me policinë e shtetit në goditjen e këtyre rasteve flagrante. Ne shtator pritet qe keshilli i ministrave te zbardhe edhe aktet nenligjore qe parashikojne masat administrative per cdo shkelje te konstatuar sa i perket prerjes se pyjeve, si dhe do te zbardhen siperfaqet pyjore qe do te mund te shfrytezohen per sigurimin e lendes drusore per ngrohje gjate stines se dimrit.