Kujton betimin e bërë në marrjen e detyrës që ministrat nuk do të komentojnë mbi punën dhe qëndrimet e kolegëve të tyre, prandaj edhe Ditmir Bushati nuk ka një përgjigje të drejtëpërdrejtë mbi letrën që Klajda Gjosha dërgoi tek ndërkombëtaret mbi OMP. Por sipas numrit një të politikës së jashtme, vendi ka nevojë për më shumë drejtësi dhe ekspertizën e ndërkombëtareve. Kjo sipas Bushatit lidhet me kalçifikimin e interesave mbi sistemin e drejtësisë, por edhe “kapadaillekun” siç e quan ai, sjelljen që po demostrohet ndaj partnerëve strategjik.
Ministri i Jashtëm Ditmir Bushati Ditmir Bushati theksoi nga Shkodra se po kërkohet që të portretizohet reforma në drejtësi si cenim sovraniteti.
Sipas ministrit Bushati, sot rajoni i Ballkanit ka përballë rrezikun e përfshirjes nga politika e influencës.
Ditmir Bushati mori pjesë në një leksion të hapur me temë “Vlerat e politikës tonë të jashtme” në 60-vjetorin e Universitetit “Luigj Gurakuqi” të Shkodrës.
