Sot ka ditëlindjen “Vllaznia”. 16 Shkurt 1919-16 Shkurt 2017, 98 vite të Klubit Vllaznia, i pari klub sportiv i krijuar në Shqipëri. Vite këto që sportistët shkodranë të inkuadruar në ekipet me emrin kuptimplotë “Vllaznia” kanë qënë më të spikaturit e veprimtarive sportive kombëtare dhe ato ndërkombëtare. Në këtë ditë të shënuar për sportin shkodran, TV1 Channel ju sjellë në ekran mesazhet e veteranit të njohur shkodran, një ndër më të moshuarit e brezit të spotistëve kuqeblu, ish basketbollistin dhe ish trajnerin e suksesshëm, 86 vjeçarin Muhamet Sokoli, si dhe dy drejtuesit e klubeve sportive, drejtorin e Sport Klub Vllaznia, Mark Krroqi dhe administratorin e Klubit të Futbollit Vllaznia, Astrit Gjyrezi.
Në ditëlindjen e Vllaznisë merr pjesë edhe televizioni TV1 Channel, ku edhe në emër të të gjithë shikuesve të tij, përfshirë edhe masën sportdashësë, uron “Gezuar ditelindjen Vllazni!”
