Sunday, April 21, 2024
HomePolitikëDeputetja e PD sulmon Ramën: Mirë që nuk çel negociatat, por na...

Deputetja e PD sulmon Ramën: Mirë që nuk çel negociatat, por na sjell peshqesh dhe kthimin e vizave.

-

Pas vendimit të Holandës për kthimin e vizave për shqiptarët, ka reaguar dhe deputetja demokrate Jorida Tabaku, duke e cilësuar “këmbanë alarmi”.

Ajo shkruan në Facebook, se procesin e liberalizimit të vizave e konsideronte një proces të pakthyeshëm, dhe sipas saj fakti që kthehemi prapa, është vetë faji i qeverisë Rama.

Statusi i plotë i Jorida Tabakut

Kerkesa per rikthimin e vizave, kembane alarmi!

Ka disa procese që kisha besuar ishin të pakthyeshëm, liberalizimi i vizave, procesi i integrimit dhe NATO. Të tre këto arritje të para viti 2013 e që në fakt kanë bërë krenar çdo shqiptar e jo vetëm ata që kanë punuar e kontribuar për këtë proces.

Por siç duket nuk qenka rasti. Sot shtatë vjet pas liberalizimit të vizave dhe katër vjet pas ardhjes në pushtet qeveria Rama jo vetëm nuk ka siguruar çeljen e negociatave por edhe po na sjell si peshqesh kthimin e vizave. Lajmi se prokuroria dhe policia holandeze kanë dërguar një memo për të kërkuar kthimin e vizave për Shqipërinë është një kambanë alarmi. Në memo lexohet se policia lajmëron se trafiku i drogës është një faktor kyç që mund të na kthejë vizat, shqiptarët që prej ditës që kanë marrë bekimin e qeverisë për të mbjellë drogë janë shndërruar në barrë për qeveritë e BE-së.

Jo vetëm sepse shqiptarët e ndershëm po duan të largohen nga një vend që qeveriset nga një qeveri pa vizion dhe që i takson dhe bukën e gojës duke rritur numrin e emigrantëve që kërkojnë azil në BE, qe vetem
Vitin e fundit jane 35 000 mijë shqiptarë. Por edhe si pasojë e rritjes së trafikimit të drogës dhe kthimit të Shqipërisë në një vend burimi dhe eksportimi të saj.

Armiqtë e Shqipërisë në Europë duket se janë po ato të katër viteve më parë, ata qe penguan integrimin, megjithëse sot përpiqen të ndryshojnë ligjërimin duke u hequr si pro Europianë!

Related articles

Stay Connected

0FansLike
0FollowersFollow
3,912FollowersFollow
3,572SubscribersSubscribe
spot_img

Latest posts