Kryeministri Rama foli për hartën e re gjyqësore gjatë konferencës së sotme me gazetarët. Ai tha se kjo është një hartë e mirëmenduar dhe do të bëhet ashtu si është paraqitur.
Rama: Kjo është një hartë e mirëmenduar. Shqipëria nuk është Kina, është një vend i vogël dhe faktikisht për mua është gjëja e duhur. Do bëhet ashtu si është paraqitur, nuk diskutohet.
Ai u pyet edhe për vakancat në sistemin e drejtësisë.
Pyetje: Ju e konsideroni reformën në drejtësi si historike për vendin. Vetëm dy ditë më parë KLGJ dhe KLP konstatuan se efektet e reformës në drejtësi kanë krijuar vakaca të cilat do duhet të plotësohen brenda 5 viteve. Mendoni se është e nevojshme një ndërhyrje ligjore për të reduktuar këtë kohë?
Rama: SPAK duhet të japë qytetarëve një mesazh kuptim plotë lidhur me një nga principet dhe qëllimet e reformës në drejtësi. Vënia para drejtësisë e gjykatësve dhe prokurorëve të korruptuar që nuk justifikojnë pasuritë, nuk kalojën vetingun dhe kanë mospërputhje flagrante mes të ardhurave dhe pasurisë kredibiliteti në sytë e popullit do të jetë ende i ulët dhe nga ana tjetër garancia që sistemi i takon përfundimisht popullit do te jetë shumë i ulët.