Belinda Balluku ka dalë një deklaratë për mediat nw lidhje me masat për menaxhimin e situatës së krizës energjetike.
“Qeveria ka vendosur të marrë një sërë masash. I kemi kërkuar ARRSH dhe OSHE që të bëjë ndërprerje të ndricimit në bypassin e Durrësit, Qafë Kasharit etje.
Ndërkohë do të ketë ndërprerje dhe në akset kombëtare të ndriçuara në degëzim, bypassi i Fierit, Shkodër-Hani i Hotit etj. Nuk do të cenojmë rrethrrotullimet.
Kërkojmë mirëkuptimin tuaj. Për më tepër, një masë që kemi marrë është kërkesa për të kufizuar energjinë për ndriçimin që nuk është e domosdoshme. Pas orës 12 të mesnatës do i kërkohet bashkive që të fikin ndriçimet që nuk paraqesin domosdoshmëri”, tha Balluku.
