Opozita i përmendi sërish patronazhistët sot në Kuvend maxhorancës. Balla e falenderoi opozitën për vlerësimin që i bëjnë dhe tha se patronazhistët janë aty të gatshëm për vitin tjetër, kur do të zhvillohen zgjedhjet vendore.
Balla: Meqë jam te pjesa e procedurës, shumë faleminderit opozitës për vlerësimin që vazhdoni t’i bëni patronazhistëve. Ata janë aty, janë gati po presin vitin e ardhshëm që t’ju mundim prapë sa herë të na dilni përpara.
Skandali i patronazhistëv u zbulua para zgjedhjeve të 25 prillit. Databaza e patronazhstëve përmbante të dhënat e 910 mijë qytetarëve të Tiranës numrat e telefonit, nr e kartave ID, vendbanimin dhe me nga një patronazhist për secilin, i ngarkuar me përshkrimin e bindjeve politike për çdo qytetar të moshës nga 19 deri në 99 vjeç.