Ka nisur Konventa e parë Kombëtare e Partisë së Lirisë ku do të zgjidhen edhe forumet e reja drejtuese të Partisë. Konventa Kombëtare në zbatim të vendimeve të Komitetit Organizator do të miratojë disa ndryshime statutore, programin politik të partisë si dhe zgjedhjen e anëtarëve të Komitetit Drejtues Kombëtar.
Kryetari i partisë së Lirisë Ilir Meta ka shpërndarë dje në rrjetin social TikTok një video me të rinj ku ka lajmëruar për mbajtjen e Konventës Kombëtare Zgjedhore të Partisë së Lirisë.
Meta paralajmëroi se do të diskutohet e merren vendime të rëndësishme për vendin.
“Nesër (sot) do të takohemi në Konventën Kombëtare Zgjedhore të Partisë së Lirisë, në mënyrë që të diskutojmë e të marrim vendime të rëndësishme për Shqipërinë që u përket të rinjve”, tha Meta.
Axhenda
Rezoluta e Referendumit (Tedi Blushi)
Fjala e Kryetarit
Fjala e KQZ dhe shpallja e fillimit të votimit për Kryetarin dhe Komitetin Drejtues Kombëtar. (Altin Kaziaj)
Paraqitja dhe Aprovimi i Programit Politik. (Edmond Haxhinasto)
Fjalë të tjera dhe delegatë që i drejtohen Konventës.
KQZ më pas bën deklaratë për shtyp për rezultatet e votimit.
