Kryeministri Edi Rama ka dhënë një intervistë për median britanike, Sky NeWs.
Sigurisht tema e diskutimit është debati i fundit mes Shqipërisë dhe Anglisë për fenomenin e emigrantëve shqiptarë që po shkojnë masivisht me gomone në Mbretërinë e Bashkuar.
Rama tha se është ende në pritje të faljes nga qeveria e Mbretërisë së Bashkuar për komentet e ministres së Brendshme për shqiptarët. Ajo i cilësoi emigrantët shqiptarë “kriminelë që po pushtojnë Anglinë”.
“Në politikat e ditëve të sotme nganjëherë këto gjëra mund të ndodhin, por ajo që më shqetëson më shumë është se nuk kërkohet falje. Është një mënyrë e ekzagjeruar e të shprehurit. Kjo është ajo që më shqetëson. Kjo do të thotë se ka një përllogaritje, ku ti vërtetë po flet për disa votues, që të dëgjojnë atë, pasi ti do votën e tyre”, tha Rama.