Pas ditëve me ngjarje si nga sulmet te barrikadat në veriun e Kosovës, Presidenti i Serbisë, Aleksandar Vuçiç është “dorëzuar”, dhe thotë se heqja e barrikadave në veri të Kosovës do të nisë mëngjesin e sotëm.
Ai takoi përfaqësuesit e serbëve nga Kosova mbrëmjen e 28 dhjetorit në kazermën e Ushtrisë Serbe në Rashkë, afër kufirit me Kosovën.
Pas takimit, Vuçiç lexoi konkluzionin e përfaqësuesve të serbëve nga veriu i Kosovës, lidhur me heqjen e barrikadave. “Besimi i serbëve në institucionet diskriminuese të Prishtinës nuk ekziston, dhe është i pamundur të arrihet”, thuhej në konkluzionin e lexuar nga Vuçiç.
