Sunday, February 25, 2024
HomeKronikaMoti i keq shkakton viktimën e parë në Shqipëri/ Gjendet i pajetë...

Moti i keq shkakton viktimën e parë në Shqipëri/ Gjendet i pajetë 70-vjeçari

-

 

Mëngjesin e sotëm një 70-vjeçar, banues në qytetin e Pogradecit, ka gjetur vdekjen nga i ftohti.

Lytfi Pilingji me origjinë nga Korça, prej vitesh jetonte në kushte jo normale banimi në qytetin e Pogradecit.

Gjatë këtyre viteve kanë qënë banorët dhe pronarë restorantesh ata që e mbanin me ushqim 70-vjeçarin ndërkohë që netët i ka kaluar i vetëm në pjesën më të madhe në afërsi të tregut industrial te këtij qyteti.

Aty ku policia e ka gjetur pa jetë mëngjesin e sotëm. Paraprakisht edhe për ekspertët e policisë lokale mendohet se 70 vjeçari ka gjetur vdekjen nga i ftohti, pasi prej 2 ditësh në Pogradec temperaturat kanë qënë shumë të ulëta.

Endacaku edhe në këtë moshë nuk e ndante një top futbolli nga vetja si për të treguar se në rininë e tij ka qënë një futbollist me të rinjtë e Skënderbeut.

Aq pasion e kishte futbollin sa edhe në rrugët e Pogradecit shfaqej duke luajtur i vetëm futboll.

Policia ka bërë me dije se nga kqyrja paraprake e trupit nuk janë konstatuar shenja dhune ndaj dhe për këtë paraprakisht dhe ekspertët mendojnë se vdekja e 70 vjeçarit ka ardhur për shkaqe natyrale.

Grupi hetimor gjithnjë sipas policisë po punon për zbardhjen e rrethanave të ngjarjes dhe përcaktimin e shkakut të vdekjes.

Pista e vetme e hetimit është ajo e vdekjes nga i ftohti pasi 70-vjeçari Lytfi Pilingji një ditë më parë ka qënë duke lëvizur në afërsi të terminalit si dhe tregut industrial.

Related articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
3,912FollowersFollow
3,572SubscribersSubscribe
spot_img

Latest posts