Ministri i Brendshëm, Bledi Çuçi teksa ka publikuar foto të arrestimit të vrasësit serial të grave dhe u ka shprehur familjarëve ngushëllime për humbjet, ka përgëzuar edhe Policia e Shtetit, e cila për të dëshmoi profesionalizëm për këtë ditë. ‘‘Policia e Shtetit dëshmoi profesionalizëm dhe bëri detyrën duke çuar prapa hekurave autorin”,-shkruan ministri.
Postimi i plotë
Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale.
Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave!
