Para nisjes se seances plenare, Kryetarja e Kuvendit, Lindita Nikolla, priti sot delegacionin e Komisionit për Legjislacionin, Mandatet, Imunitetin dhe Rregulloren të Kuvendit të Kosovës, i cili ndodhet në Tiranë për të diskutuar me kolegët në Kuvendin e Shqipërisë për hartimin e Kodit të Etikës, me mbështetjen teknike edhe të Institutit Kombëtar Demokrat të SHBA.
Kryetarja Nikolla përgëzoi kolegët e Kosovës, përfaqësues të të gjitha forcave politike në Kuvendin e Kosovës, për bashkëpunimin intensiv me kolegët e Kuvendit të Shqipërisë dhe nënvizoi se
Marrëveshja e Bashkëpunimit mes dy Kuvendeve po nxit dhe intensifikon bashkëpunimin parlamentar dhe mes institucioneve, në shërbim të qytetarëve tanë.
Deputetët e Kuvendit të Kosovës falenderuan kryetaren Nikolla për angazhimin institucional dhe personal në mbështetjen e bashkëpunimit mes Kuvendit të Shqipërisë dhe Kuvendit të Kosovës dhe vlerësuan bashkëpunimin shumë të frytshëm me kolegët e Kuvendit të Shqipërisë.
