Majlinda Frangaj është ambasadorja e Shqipërisë në Vatikan dhe ka dorëzuar letrat kredenciale në një ceremoni të posaçme tek Ati i Shenjtë, Papa Françesku.
Sipas njoftimit, Papa Françesku i rikonfirmoi ndjenjën e veçantë që ai ka për shqiptarët dhe i premtoi mundësinë për një vizitë të dytë të mundshme të tij në tokën shqiptare.
Nga ana e saj, ambasadorja Frangaj e falenderoi Atin e Shenjtë për vëmendjen e veçantë dhe të vazhdueshme që ai ka për popullin shqiptar si dhe zhvillimet në Shqipëri.
Një takim të veçantë ambasadorja Frangaj, pati edhe me Sekretarin e Shtetit të Vatikanit kardinal Pietro Parolin, me të cilin ndanë dëshirën dhe vullnet për të vijuar bashkëpunimin e mirë të deritanishëm.
