E kthyer shpesh në një betejë politike zgjedhja e presidentit i ka përplasur palët, duke i futur deri në kalkulime numrash. Por duket se partia më e re e spektrit politik shqiptar “Libra” është e vendosur t’i shkojë deri në fund presionit, që presidenti të zgjidhet nga populli. Për këtë ajo ka mbështetjen edhe të 8 ligjvënësve të tjerë dhe deputetja Mimoza Hafizi e quan si rruga më e drejtë.
E pranishme sëbashku me kolegun Ben Blushi në një takim me strukturat e “Libra” në Shkoder, Hafizi theksoi se për koalicionet partitë aktuale janë larg asaj çfarë kërkon forca e saj politike. Megjithatë anëtarësia do të vendosë gjithçka për 2017-en, ashtu si bëri për votën e tyre kundër ndaj buxhetit.
Deputetët Ben Blushi dhe Mimoza Hafizi kete tur takimesh po e zhvillojne ne te gjithe vendin.