Shkodër
Vijon puna për goditjen e veprimtarisë kriminale të kultivimit të bimëve narkotike
Asgjësohen 550 bimë narkotike të dyshuara cannabis sattiva
Më datë 21.07.2017, nga shërbimet e Komisariatit të Policisë Shkodër , në vijim të kontrolleve të vazhdueshme të territorit për goditjen e veprimtarisë kriminale të kultivimit të bimëve narkotike, në tokë të hapur rishtas, në vendin e quajtur Sipër Bjeshkës së Cumit, poshtë majës së Bigës, në fshatin Gak, Njësia Administrative Shalë, Shkodër, gjatë një kontrolli të ushtruar, u konstatuan të kultivuara 550 bimë të dyshuara narkotike cannabis sativa.
Pas veprimeve hetimore të kryera, këto bimë u asgjësuan me anë të djegies.
Si autor i dyshuar është shtetasi N. T. i shpallur në kërkim dhe më parë, ku po punohet per percaktimin e vendodhjes dhe kapjen e tij.
Materialet proçeduriale i kaluan Prokurorisë së Rrethit Gjyqësor Shkodër për veprën penale “Kultivim i bimëve narkotike” parashikuar nga neni 284 i Kodit Penal.
