Dhimitër Pasko, shkrimtari dhe përkthyesi që në emrin e penës njihet si Mitrush Kuteli, qysh fëmijë ka qenë i talentuar për të shkruar, talent i cili ka lënë histori në Letërsinë Shqiptare.
Autori i veprave “Lasgush Poradeci” apo “Tregime të moçme shqiptare”, që në moshën 12-vjeçare ka arritur të botojë disa nga krijimet e tij, të cilat kryesisht kishin si personazh kryesorë heroin kombëtar Skënderbeun.
Ish-drejtori i Bibilotekës Kombëtare, Aurel Plasari ka publikuar disa foto të dokumenteve historike, me vjershat e Kutelit. Siç e thotë dhe ai në mbishkrimin e fotove, botuesit e asaj kohe (1919) kanë bërë urime profetike për ftësinë e veçantë të Mitrush Kutelit.
“Rroftë filizi i ri e vaftë gjer në veshët të Perëndisë!, shkruajnë botuesit.
Një nga poezitë e para të Mitrush Kutelit në moshën 12-vjeçare:
Gjithë një armikët munde
Gjith Europën ti e tunde
Po tani o trim me fletë
Neve mbetmë si të shkretë
Se s’ka kush të na përgjigjet
Si ty në luftë të hidhet
Gjithë lumënjt e mbëdhenj
Ata kurrë s’i dëgjonj
Se buçasin si njëherë
Se vdiqe ti trim i vlerë
Pandaj mban shpata zi
Se vdiq një në Shqipëri
17.11.1919