Por kjo e diel ishte shumë ndryshe. Futbollisti ka parkuar makinën e tij, Lamborghini Murcielago, para derës së një prej dyqaneve që ka vizituar shpesh edhe në të kaluarën dhe nisi të bënte shoping si zakonisht. Me sa duket, nuk kishte bërë mirë llogaritë me faktin se tani e gjithë zona në Napoli e përreth është mëse e entuziazmuar pas sukseseve të njëpasnjëshme të skuadrës në kampionat ku kryeson e shkëputur nga ndjekësit.

Disa tifozë kanë pikasur makinën e tij dhe kanë njohur Hysajn, ndërsa fjala është përhapur me shpejtësi në të gjithë lagjen. Brenda pak minutash, një turmë prej dhjetra personash është mbledhur para dyerve të dyqanit në pritje të futbollistit shqiptar. Të gjithë dëshironin të bënin foto me të dhe të merrnin autografe nga një prej heronjve të ecurisë rekord të Napolit, i cili në edicionin aktual po thyen edhe rekordet e periudhës së famshme të Maradonës.

Me dhjetra tifozë kanë qëndruar për disa minuta në shoqërinë e Hysajt duke e përgëzuar, edhe pse duke bllokuar rrugët e Kazertas, derisa futbollisti është larguar mes duartrokitjeve