Policia e Lezhës ka ndërhyrë në kohë, duke parandaluar një konflikt në familje. Policia ka arrestuar një 36-vjeçar, i cili po dhunonte bashkëshorten, ndërsa gjatë kontrollit në banesë i është gjetur dhe një sasi lënde narkotike.
Njoftimi i policisë:
Në sallën operative të D.V.P. Lezhë ka ardhur një telefonatë se në një banesë në Kotërr-Lezhë ka një konflikt. Shërbimet e Komisariatit të Policisë Lezhë, kanë shkuar menjëherë ku kanë konstatuar se po ndodhte një konflikt në familje, mes një çifti.
Falë ndërhyrjes në kohë efektivët e policisë kanë parandaluar përshkallëzimin e mëtejshëm të konfliktit, ku shtetasi A. P., po ushtronte dhunë ndaj bashkëshortes së tij, shtetases A.P. Nga kontrolli fizik dhe i banesës së këtij shtetasi, Policia ka gjetur dhe sekuestruar në cilësinë e provës materiale:
-460 fara narkotike të dyshuara Cannabis Sativa.
-rreth 61 gramë lëndë bimore në formë boçe e dyshuar Cannabis Sativa.
Nga veprimet hetimore të kryera dhe provat materiale të sekuestruara, Specialistët për Hetimin e Krimit në Komisariatin e Policisë Lezhë, bënë arrestimin në flagrancë të shtetasit:
– A.P., 36 vjeç, banues në Kotërr-Lezhë.
Materialet proceduriale i kaluan Prokurorisë së Rrethit Gjyqësor Lezhë, për veprat penale “Dhuna në familje”, “Prodhimi dhe shitja e narkotikëve” parashikuar nga nenet 130/a e 283/1 të Kodit Penal.