Kryeministri Edi Rama ka uruar paraditen e sotme, Giorgia Meloni-n, e cila ka marrë sot zyrtarisht detyrën si kryeministre e Italisë.
Në një postim në Twitter, kreu i qeverisë uron gruan e parë të zgjedhur kryeministre nga populli italian.
“Urime gruas së parë të thirrur nga populli për të udhëhequr Italinë, një vend të cilit Shqipëria i detyrohet shumë dhe me të cilin na lidh një miqësi e lashtë dhe vëllazërore, e cila ka frymëzuar gjithmonë marrëdhëniet mes qeverive tona. Paç fat!” shkruan Rama.
