Ditën e sotme, kreu i PD-së Sali Berisha, pritet të paraqitet në drejtorinë e Policisë së Tiranës për të dëshmuar mbi sulmin e djeshëm ndaj tij. Mbrëmjen e djeshme janë shoqëruar në polici për të dhënë dëshminë e tyre, dy prej truprojave të Berishës.
Në pamjet ku dhunohet ish-kryeministri, duket se truprojat e tij kanë ndërhyrë menjëherë ndaj agresorit 31 vjeçar, Gert Shehu, të cilin e kanë sulmuar me grushte e shkelma së bashku me disa prej protestuesve të tjerë.