𝐒𝐎𝐋𝐈𝐃𝐀𝐑𝐈𝐓𝐄𝐓 𝐍𝐉𝐄𝐑𝐄𝐙𝐎𝐑
Të dashur bashkëqytetarë!
Më lejoni që në emrin tuaj, t’i shpreh solidaritetin tim vëllazëror kryetarit të Komunës Signa, z. Giampiero Fossi, dhe të gjithë banorëve të saj të prekur nga përmbytjet e ditës së sotme.
Shpreh dhimbjen e thellë për humbjet e jetëve njerëzore dhe dëmet e shkaktuara në zonën e Toskanës dhe Firences!
Lutjet tona shkojnë për miqtë tanë të përtej Adriatikut, të cilët po përballen me një katastrofë natyrore.
Urojmë të kalojë sa më lehtë kjo situatë dhe kapërcimin e saj pa dëme të mëtejshme. Shpresojmë dhe dëshirojmë një rimëkëmbje të shpejtë!