Ballafaqimi i parë për vitin 2017 për kombëtaren e femrave ishte përballja e së mërkurës me kombëtaren e Italisë, ndeshje kjo e mbyllur me rezultatin 0 me 1 në favor të kombëtares axurre. Duke folur një ditë pas ndeshjes posaçërisht për TV1 Channel, trajneri i përfaqësueses sonë, ish portjeri i njohur i Vllaznisë Armir Grima shpreht i kënaqur për atë që skuadra që ai drejton dha në fushën e lojës.
Prania e dhjetë futbollistëve nga ekipet e Shkodrës në këtë miqësore, 8 të Vllaznisë, një e Juban Danjes dhe një e AAS është tregues i qartë për cilësinë e kësaj disipline sportive në këto zonëës, ndërkohë që një fakt i tillë është padyshim një nxitje për strukrurat drejtuese të sportit në Shkodër që këtij elementi t’i kushtohet një vemendje edhe më e madhe në të ardhmen.
