Kamza-Beslidhja, është kryendeshja e Kampionatit Kombëtar të futbollit për kategorinë e pare, ndeshje që starton në orën 14.00 të së premtes në stadiumin e bashkisë së Kamzës në Tiranë. Të dyja skuadrat, nës përbërje të cilave bëjnë pjesë edhe shumë futbollistë shkodranë, vijnë në këtë takim si kryesues me pikë të barabarta, nga 39 secila, ndaj edhe përfundimi i këtij 90-të minutëshi përcakton vendin e parë në tabelen e klasifikimit të grupit A dhe kualifikimin në Superlige. Me emocion e pret zhvillimin e kësaj beteje edhe trajneri Kreshnik Krepi, personi që ka pasur rastin të punojë në drejtimin e të dy skuadrave respektive, por që tashmë drejton Tërbunin e Pukës.
Ndërkohë, referuar përfaqësimit pozitiv që Tërbuni i Pukës po bën në fazen e dytë të kampionatit nën drejtimin e tij, trajneri Krepi flet me optimizem për mbylljen me sukses të kampionatit për ta mbajtur skuadrën pukjane në kategori
Për javen e 28-të, Tërbuni luan në transferte me Ilirinë ditën e diele në oren 17.00 në stadiumin e Fushës Krujës.
