Monday, February 6, 2023
HomeKulturëSi i kanë marrë emrat oqeanet

Si i kanë marrë emrat oqeanet

-

 

Fjala oqean vjen nga greqishtja “okeanos”, e cila do të thotë “rrymë e madhe që rrethon diskun e tokës”, fillimisht fjala oqean tregonte gjithë masën e ujit për të cilën grekët e lashtë besonin se rrethonte masën e vetme të tokës. Ja cila është origjina e emrave të tyre:

Oqeani Indian
E thjeshtë fare dhe pa ndonjë interes nga ana gjuhësore, e ka emrin të tillë sepse është në jug të Indisë.

Oqeani Paqësor
Nuk është pagëzuar kështu ngaqë është një oqean i qetë, përkundrazi. Ai u quajt Mar Pacifico (deti paqësor, i qetë) emër në gjuhët portugeze, spanjolle dhe italiane, nga eksploratori portugez Fernando Magellan, për shkak se pati një lundrim të qetë kur doli për herë të parë në të, më 1520. Në shqip quhet shpesh edhe Oqeani i Qetë.

Oqeani Atlantik
Atlantik vjen nga greqishtja Atlantikos, nga Atlasi, Titani i mitologjisë greke që mbante qiellin mbi supe. Termi Atlantik fillimisht iu referuar Maleve Atlas në Afrikën Veriore, dhe për rrjedhojë edhe detit në bregun e Afrikës Perëndimore e më pas u përdor për të gjithë oqeanin.

Oqeani Arktik
Ai rrethon Arktikun, pra zonën rreth Polit të Veriut. Origjina e emrit Arktik vjen gjithashtu nga greqishtja e lashtë, “arktos”, që do të thotë arí, ashtu si dhe Arusha e Madhe (Arktos Megales) dhe ylli polar. Lidhja midis ariut dhe yllit vjen nga mitologjia greke, sipas së cilës nimfa Kalisto u shndërrua në ari nga Zeusi dhe u vendos në yjësinë në qiell. Në shqip, Oqeani Arktik quhet edhe Oqeani i Veriut ose (më rrallë) Oqeani i Ngrirë i Veriut.

Oqeani Antarktik
Ky emër nuk është shumë i hasur në gjuhën shqipe, pasi përdoret më tepër Oqeani i Jugut, ashtu si dhe në gjuhët e tjera. Megjithatë, origjina e emrit Oqeani Antarktik është gjithashtu e thjeshtë: Antarktik do të thotë “e kundërta” e Arktikut. Të dy emrat janë përdorur në fjalorin e Universitetit të Oksfordit pothuajse në të njëjtën kohë, ndonëse në dy shekuj të ndryshëm. Oqeani Antarktik është shfaqur si emër më 1699, ndërsa Oqeani i Jugut më 1702.

Related articles

Stay Connected

0FansLike
0FollowersFollow
3,699FollowersFollow
3,572SubscribersSubscribe
spot_img

Latest posts